"................ [hor]nas byrnað."
[H]næƒ hleoþrode, heaþogeong cyning:
"Ne ðis ne dagað east?n, ne her draca ne fleogeð,
ne her ðisse healle hornas ne byrnað;
ac her forþ beratð [feorhgeniðlan
fyrdsearu fuslic.] Fugelas singað,
gylleð græghama: guðwudu hlynneð,
scyld scefte oncwyð. Nu scynetð þes mona
waðol under wolcnum, nu arisað weadæda,
ðe ðisne folces nið fremman willað.
Ac onwacnigeað nu, wigend mine!
Habbað eowre [h]lenca[n], hicgeaþ on ellen,
þindað on orde, wesað onmode!"
Ða aras [of ræste rumheort] mænig
goldhladen ðegn, gyrde hine his swurde,
ða to dura eodon drihtlice cempan,
Sigeferð and Eaha, hyra sword getugon,
and æt oþrum durum Ordlaf and Guþlaf;
and Hengest sylf hwearf him on laste.
Ða gyt Garulf[e] Guðere styrde,
ðæt he swa freolic feorh forman siþe
to ðmre healle durum hyrsta ne bære,
nu hyt niþa heard anyman wolde;
ac he frægn ofer eal undearninga,
deormod hæleþ, hwa ða duru heolde.
"Sigeferþ is min nama," cweþ he, "ic eom Secgena leod,
wreccea wide cuð; fæla ic weana gebad,
heardra hilda; ðe is gyt her witod,
swæþer ðu sylf to me secean wylle."
Ða wæs on healle wælslihta gehlyn:
sceolde celæs bord cenum on handa
banhelm berstan; buruhðelu dynede,
oð æt ðære guðe Garulf gecrang
ealra ærest eorðbuendra,
Guðuffes sunu, ymbe hyne godra fæla,
hwearflicra hræw. Hræfen wandrode
sweart and sealobrun.  Swurdleoma stod
swylce eal Finn[e]sburuh fyrenu wære.
Ne gefrægn ic næfre wurþlicor æt wera hilde
sixtig sigebeorna sel gebæran,
ne nefre swanas sel forgyldan
hwitne medo, [heardgesteallan,]
ðonne Hnæfe guldan his hægstealdas.
Hig fuhton fif dagas swa hyra nan ne feol,
drihtgesiða, ac hig ða duru heoldon.
Ða gewat him wund hæleð on wæg gangan,
sæde þæt his byrne abrocen wære,
heresceorp unhror, and eac wæs his helm ðyr[e]l,
ða hine sona frægn folces hyrde
hu ða wigend hyra wunda genæson,
oððe hwæþer ðæra hyssa ................